Laber- und Quatschthread Süd
-
-
-
Jössas! Der wirblat ja so umanand, mir wirds glei ganz 🤪
Nicki, i hob Dei Frog auf dr andra Leitung beantwortet.
So husch husch, ´s wird Zeit.
-
Andrea, dank dr schee fir dei PN - hoffendlich hand dr d Wohnung bald
ausgreimt und alles hat gklabbt!!!s
Petra, hasch di denn vom "rumzwirbla" 🤪 scho erhold?
Dankschee au fir Dei PN - "s Paradies lässt griasa"!!!!
(walking!!!)Dia Woch bin i it so oft do, hau einigs zum doa - Doktr´, Massasch,
ond d Sacha fir da Urlaub in Belmonte /Brezzo di Bedero - des isch am
Lago Matschoore -na richta!
Do simmerr vom siebzehnda bis eisozwanzigsda!!!
Halt zum wandra und a weng d`Gegend agucka!! - Kennat zwar fascht
so alles - send scho bschdimmt zwanzg Mal danagwea- aber s geit doch
emmer wieder was Nuis zum Sea!!!Also , pfiad Eich - bis schbäder!!! Chris
-
Hihihi, jede Wette, daß HC Lagomatschoore it reacht verlinka ka.
Mei, do war i scho ewig nimma, isch aba echt a scheane Gegnd. Fascht so schea wia bei eis.Pupsi, was duasch´n mit´m PC? Musch scho a bißla aufbassa!
-
Guada Obad Petra- mir habat bis etza Bsuch ghätt und darum winsch i Eich blos no a agnehma Nacht und werde mi wahrscheinlich morga mal wieder
melda - gell!Übrigens Nicki, mir gfallt der au it, aber i hannen halt luschdig gfunda,
deshalb hau is neigschdelld!! 🤪Jetzele, schlafad guad!!!
-
Grias God mit'naund.
Mei Blechkastl daham hat den Geist aufgem. So a Schmarrn. Muas i hiaz zur Reparatur eischicka und kriags erst in a poar Wocha wieda....
Uiiii am Lagomatschoore, do is recht sche! Mei wor i do scho laung nimma!
Heit geh i no ins Kino. Mittanochtspremiere vom HP7. Hoff i schlof net ei. Drum geh i hiaz scho moi kaffeetrinka.
-
I bin doch scho da!
Hau doch no oinigs zum doa, bevor i an da Lago matschoore aufbrecha ka- hau faschd scho alles gbiaglat, meine Hoar hab i au scho scheamacha lassa - war halt scho meh am Asatz nimme mei scheana Farb.Beim Doktr war i au scho - und na hau i no aufm Markt a
Gmias und a Obschd mitgnomma - damit mer it verhungra miased!!Andrea, wia war denn dr Film? Kaschs scho me macha -
i wär ja no hundsmiad!!! Hasch ja faschd nix gschlofa!!!
Musch halt an schdarka Kafeee trinka - no wirds scho ganga-
gell!! Und heit obend gosch halt dann mal frier ins ´Neschd!!Also, i schick`Dr a bissle was von meine Erdbäära mit Sahne - na häldschd dr Tag besser dure - gell!
Und heit abend geits dann mal wieda Mozarella mit Paradeiser!!!
Also, bis schbäder vielleicht! LG Chris
-
Na endlich Untastützung, sunst schlof i do echt no ei.
Mmmmh und a Nochspeis gibts a glei. Kaffe hab i jetzt scho z'vü, mir is scho a bisal schlecht. Oba boid gehts ham und daun moch i a kurze Siesta.
Owa da Füm woars wert. Richtig spaunend. No dazu 3D - ois ob i mim Besa mitgflogn warat.
-
Griaß Eich. I war huit in da Fria mit
aufm Wochamarkt beim Würschdle essa. Und Gmias eikaufa natirlich. Mei wegen dem Potter dia halb Nacht im Kino rumhänga? Des wär nix für mi. Aber 3D isch cool und auf´m Besa fliega au.Sind no Erdbäära do? Dia däted mi au amacha. I hätt dafür no a baar Kirscha frisch vom Baum - dia letschda fiar des Johr. Morga mach i no a Mamalad, huit ho i koin Bock meeh.
Pupsi, warum machsch bloß a kurze Siesta? Goasch scho meh fut?
-
Petra, jetzt dauscha mir oifach d erdbäära gega kirscha - aber i hätt se dir au a so gäba!!! Hau sogar no an Batza sahne fir di!!!
i mach nacher no a kofitür - mei, i ka ja direkt franzöösisch!!!
die bäära (schwaze, rote Johannis und a paar von de stachelige!!)
drialet so aufm Herd vor sich na! Kommat dann blos no durchs siab
und dann dr Zucker 3:1 dra - woisch, na wirds it so obandig siass!!!
Hosch scho gveschbert , kasch no Tomate/Mozarelle hau - ich schicks Dir
nunter- gell!!!Jetzat no an scheanen Abend - und jetz no was zum Fraia!!!
Aufmunterung!! -
Ahhh Du warsch des Chris. I ho mi scho a weng gwundret, warum zmol Caprese aus meim DVD-Laufwerk rausgfahra isch. Bei uns dud ma übrigens brotzeita it veschbra.
Hand Ihr au scho gmerkt, daß eis a Buchschtabe fehlt? So a Mischung aus e und a. I muaß mi mal umschaua, ob´s irgendwo a gscheide Taschdadur geit.
-
Andrea, i hau au scho öfders bei Eich a Breddl-Jausn gessa -
und bei eis geits ja nachher glei Schbagedi mit Zuchiini, Paradeiser.
Woisch ma schneidet oi Zwiabel, dünschdet se im Olivaöl an, dann nimmt ma Zuchiini, würfled se , und nei ins Olivaöl und dann no a paar Paradeiser -
in kloine Schdückle schneida und kurz mit adünschde !
Jetzt hau i doch glatt d Knoblauch vergessa - kommt nach de Zwiabel nei. Salza und scho isch feddig - und des kommt nau auf d Schbagedi.Des glaub i Dir , dass di Marmalad guat schmeckd -Marillaknedl sind au was guates ! Oder au Zwetschgaknedl.
Pfiat Di nachher - bis schbäder!!
-
mmmh maaaaaaaa de schbagedi klingan guad. i glaub i muas des heit nochkocha.
wenn's nix wern kaun i imma no auf a breddljausn geh.wast - i bin jo mehr da erdbeerknedltüp - imma scho gwehn. a patientin hot moi pfirsichknedl gmacht - des wor a richtig guat.
so. auf geht's in's Wochnend. leida is scho wida verregnt.
-
Griaß Eich, guad´n Obnd. Hei isch wohl dr Baschda-Dag, i eß grad nebenbei a paar Schinkanudla aus dr Reschteverwertung. Aba vo Erdbeerknedl hob i ja no nia nix ghert. Bei eis gibts bloß Marilln- oda Zwetschgnknedl, wenn iberhaupt.
Morga sod dr Blumakohl weg, der scho seit Mittwoch im Kialschrank flackat. Was moinat Ihr, was dua i mit dem? I ho denkt, i koch dia Resla und a paar Kartoffl dazu, mach a scheens Sesla aus Butter, Mehl und dera Gmiasbria und dua des ganze dann mit Schinka oder Salami und a bisla am Käs überbacka. Dazua an gmischta Salad und fetig - oder händ Ihr bessre Idea?
Mei, dia letzschda Däg händ mir Bsuch aus Franga ghett. Dia schwätzat ganz schee komisch.
